काठमाडौं । प्रधानमन्त्री वालेन्द्र शाह (बालेन)को नेतृत्वमा ३४ सदस्यीय नेपाली प्रतिनिधिमण्डल आगामी मंसिर ६ गते भारत भ्रमणमा जाने भएको छ।
परराष्ट्र मन्त्रालयमा शुक्रबार आयोजित पत्रकार सम्मेलनमा परराष्ट्र सचिव अमृतबहादुर राईले प्रधानमन्त्रीको भ्रमण टोलीमा ३४ जना सदस्य रहने जानकारी दिएका हुन्।
भ्रमण टोलीमा प्रधानमन्त्री शाहसँगै अर्थमन्त्री डा. स्वर्णिम वाग्ले, परराष्ट्रमन्त्री शिशिर खनाल, प्रधानमन्त्रीका प्रमुख सल्लाहकार कुमार बेन्जनकारलगायत सरकारका वरिष्ठ अधिकारी सहभागी हुनेछन्।
भारत भ्रमणका क्रममा प्रधानमन्त्री शाहले भारतीय राष्ट्रपति द्रौपदी मुर्मुसँग शिष्टाचार भेट गर्ने कार्यक्रम छ। त्यसैगरी, भारतीय प्रधानमन्त्री नरेन्द्र मोदीसँग प्रतिनिधिमण्डलस्तरीय वार्ता गर्ने कार्यसूची तय भएको छ।
प्रधानमन्त्री मोदीले नेपाली समकक्षी शाहको सम्मानमा दिवाभोजको आयोजना गर्ने कार्यक्रमसमेत रहेको छ।
प्रकाशित मिति: ४ मंसिर २०८३, शुक्रबार













प्रतिक्रिया