काठमाडौं । काठमाडौंमा जुवाको खालबाट उच्च पदस्थ व्यक्तिहरलाई प्रहरीले पक्राउ गरेको छ।
प्रहरी स्रोतका अनुसार पक्राउ पर्नेमा प्रहरीका हाकिमका आफन्तदेखि गैरआवासीय नेपाली संघमा आवद्ध अभियान्तासमेत रहेका छन्।
यस्तै पक्राउ पर्नेमा नागार्जुन नगरपालिकास्थित इचंगुनारायण सामुदायिक संस्थाका अध्यक्ष प्रताप दानी पनि रहेको बताइएको छ।
सबै गरी जम्मा २२ जनालाई प्रहरीले पक्राउ गरेको हो। काठमाडौंको ठूलो भर्याङ क्षेत्रबाट पक्राउ परेका उनीहरुको साथबाट ४ लाख ९२ हजार नगदसमेत बरामद भएको छ।
हाइप्रोफाइल व्यक्तिहरु पक्राउ परेकाले उनीहरुलाई छाड्न तीव्र दबाब आइरहेको बताइएको छ।
प्रहरी वृत्त स्वयम्भूको टोलीले पक्राउ गरेको र हाइप्रोफाइल भएकैले छाड्न तीव्र दबाब आइरहेको प्रहरी स्रोतले बताएको छ। प्रहरीले हाईप्रोफाइल भनिएकाहरुको विवरण भने खुलाएको छैन।
प्रकाशित मिति: २८ कार्तिक २०८०, मंगलबार
प्रतिक्रिया