काठमाडौं । नागरिक उन्मुक्ति पार्टी नेपालका संरक्षक रेशमलाल चौधरीको उम्मेदवारी खारेजीविरुद्ध दायर गरिएको रिटमा सुनुवाइका लागि पेसी तोकिएको छ।
सर्वोच्च अदालतले चौधरीको रिट न्यायाधीशद्वय सपना प्रधान मल्ल र अब्दुल अजिज मुसलमानको संयुक्त इजलासमा सुनुवाइका लागि पेशी तोकेको हो।
यसअघि न्यायाधीश बालकृष्ण ढकालको एकल इजलासले चौधरीले दायर गरेको रिट निवेदनमा निर्वाचन आयोगसँग लिखित जवाफ माग्ने आदेश दिएको थियो। साथै अन्तरिम आदेश जारी गर्ने/नगर्ने विषयमा छलफल गर्न दुवै पक्षलाई उपस्थित हुन बोलाइएको थियो।
आगामी फागुन २१ गते हुने प्रतिनिधिसभा सदस्य निर्वाचनका लागि चौधरीले कैलाली निर्वाचन क्षेत्र नम्बर १ बाट मनोनयन पत्र दर्ता गराएका थिए। तर निर्वाचन आयोगले कानुनी कारण देखाउँदै उनको उम्मेदवारी खारेज गरेको थियो।
प्रकाशित मिति: १८ माघ २०८२, आइतबार
प्रतिक्रिया