मनाङ । मनाङ जिल्लाको नासोँ गाउँपालिका–३ धारापानीमा भएको ट्रक दुर्घटनामा एक जनाको ज्यान गएको छ।
ज्यान गुमाउने व्यक्ति मर्स्याङ्दी गाउँपालिका–९ सिम्पानी बगैँचाका करिब ३७ वर्षीय रामबहादुर गुरुङ रहेको प्रहरीले जनाएको छ।
जिल्ला प्रहरी कार्यालयका अनुसार, मनाङ मर्स्याङ्दी जलविद्युत आयोजनाका लागि सिमेन्ट बोकेर बेँसीसहरबाट मनाङको कोतोतर्फ जाँदै गरेको बा प्र ०६००१ क ०४६१ नम्बरको ट्रक आज बिहान करिब १० बजेतिर दुर्घटनामा परेको हो।
दुर्घटनापछि गम्भीर घाइते भएका चालक गुरुङको मृत्यु भएको पुष्टि गरिएको छ। उनको शव पोस्टमार्टमका लागि प्रदेश अस्पताल लमजुङ पठाइएको छ।
घटनाबारे थप अनुसन्धान भइरहेको जिल्ला प्रहरीले जानकारी दिएको छ।
प्रकाशित मिति: १ बैशाख २०८३, मंगलबार
प्रतिक्रिया