काठमाडौं । प्रतिनिधिसभा सभामुख डोलप्रसाद अर्यालले कार्यव्यवस्था परामर्श समितिको बैठक बोलाएका छन्।
सभामुखको सचिवालयका अनुसार बैठक शुक्रबार दिउँसो ३ बजे बस्ने गरी तय गरिएको हो।
आगामी वैशाख २८ गते दिउँसो २ बजे संघीय संसद्को बैठक बस्ने कार्यक्रम रहेको छ। सोही दिन अपराह्न राष्ट्रपति रामचन्द्र पौडेलले संघीय संसद्को संयुक्त बैठकलाई सम्बोधन गर्ने तय भएको छ।
संसद् बैठक सञ्चालन तथा आगामी कार्यसूचीबारे छलफल गर्न कार्यव्यवस्था परामर्श समितिको बैठक बोलाइएको बताइएको छ।
प्रकाशित मिति: २५ बैशाख २०८३, शुक्रबार
प्रतिक्रिया