काठमाडौँ । सुदूरपश्चिम प्रदेशमा नागरिक उन्मुक्ति पार्टीले आफ्नै नेतृत्वमा सरकार बनाउने गरी छलफल अगाडि बढाएको छ ।
आज सरकारका एक मन्त्रीको सरकारी क्वाटरमा नाउपा नेता रेशम चौधरीको उपस्थितिमा भएको छलफलमा पदमुक्त भएकी सांसद इन्द्रिरा गिरिसहित सबै सांसदहरू उपस्थित थिए ।
संसदीय दलका नेता रहेका घनश्याम चौधरी, संसदीय दलको नेताको नयाँ जिम्मेवारी पाएका कैलाश चौधरी काम चलाउ प्रदेश सरकारका दुई मन्त्री लक्ष्मण किशोर चौधरी र खुशीराम चौधरी तथा सांसद टिका थापाको उपस्थितिमा नाउपा कै नेतृत्वका सरकार गठन गर्ने विषयमा करिब समझदारी एक नेताले जानकारी दिए । उनले तत्काल बहुमत पुग्ने दलहरूसँग सहकार्य गरेर सरकार गठन गर्ने विषयमा छलफल अगाडी बढेको बताए ।
उनले सुदूरपश्चिम प्रदेशमा नागरिक उन्मुक्ति पार्टी एक ठाउँमा रहेको समेत जिकिर गरेका छन् ।
प्रकाशित मिति: २८ चैत्र २०८०, बुधबार
प्रतिक्रिया