सांसदहरुको सुविधा पनि घटाऔँ, म तयार छु : प्रकाश ज्वाला

काठमाडौं । विपक्षी दल एकीकृत समाजवादी पार्टीका सांसद प्रकाश ज्वालाले सरकारले पूर्व विशिष्ट पदाधिकारीहरुलाई सुविधा दिन लागेको विषयमा आपत्ति जनाएका छन् ।

आइतबार बसेको प्रतिनिधि सभा बैठकको आकस्मिक समयमा बोल्दै पूर्वमन्त्री समेत रहेका ज्वालाले पूर्व विशिष्ट पदाधिकारीहरुलाई दिन लागेको भनिएको सुविधा रोक्न माग गरे ।

उनले राज्यले अहिलेको आर्थिक संकटको समयमा पूर्व विशिष्ट पदाधिकारीहरुको तलब सुविधा बढाउने भन्दा घटाउनुपर्नेमा जोड दिए । साथै मन्त्रिपरिषद्ले निर्णय गरेर दिइरहेको सुविधाहरु समेत घटाना माग गरे । अहिलेको अवस्थामा सांसदहरुको समेत सुविधा घटाउनुपर्नेमा जोड दिँदै आफू त्यसको लागि तयार रहेको बताए ।

प्रकाशित मिति: २ चैत्र २०८१, आइतबार