धरान । धरान उपमहानगरका मेयर हर्क साम्पाङ राईले सहकारी संघर्ष समितिका नाममा केहि स्थानीयले कार्यालयमा तोडफोड गरेपछि सामाजिक संजाल मार्फत कार्यालयको सिसा नभई बगरमा गिटि कुट्न आउन आह्वान गरेका छन्।
मेयर साम्पाङ भन्छन्, ‘मेरो अफिसको सिसा होइन ढुङ्गा फुटाउन आउनु है बगरमा ! बिकास प्रेमी बनौँ बिनाश प्रेमी होइन !’
आइतबार बराह सहकारी पीडितहरूले धरान उपमहानगरपालिका घेराउ गरेका थिए। बराह पीडित संघर्ष समितिको नाममा आएका एक हुलले कार्यालयमा तोडफोड गरेपछि उनले कार्यालयको सिसा नभई बगरमा ढुंगा फुटाउन आउन आह्वान गरेका हुन्।
मेयर साम्पाङले सोमबार बराह सहकारी पीडित संघर्ष समितिका दुई जना विरुद्ध प्रहरीमा किटानी जाहेरी पनि दिएका छन्।
उनले बराह सहकारीले गरेको ठगीको विरुद्धमा आफुले सकेको सहयोग पीडितहरुलाई गरेपनि काममा बाधा पुर्याउने उदेश्यले आफू बिरोधि केहि ब्यक्तिहरुले अनावश्यक हर्कत देखाएको बताएका छन।
प्रकाशित मिति: १७ श्रावण २०७९, मंगलबार
प्रतिक्रिया