झापा, मेचिनगर नगरपालिका-६ मेचिपुलबाट करिब ६ ग्राम अवैध लागूऔषध ब्राउनसुगर जस्तो देखिने पदार्थ सहित २ जनालाई सोमबार दिउँसो प्रहरीले पक्राउ गरेको छ ।
पक्राउ पर्नेहरूमा विर्तामोड नगरपालिका-८ गरामनी बस्ने सिन्धुपाल्चोक मेलम्ची नगरपालिका-१० घर भएका २८ वर्षीय सविन गोले तामाङ र विर्तामोड नगरपालिका-८ बस्ने तेह्रथुम आठराई गाउँपालिका-७ घर भएका २७ वर्षीय धन बिर बराल रहेका छन् ।
ईलाका प्रहरी कार्यालय काकँडभिट्टा र लागूऔषध नियन्त्रण व्यूरो काकँडभिट्टाबाट खटिएको प्रहरीले भारतबाट नेपालतर्फ आउँदै गरेका उनीहरूलाई उक्त पदार्थ सहित फेला पारी पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
प्रकाशित मिति: ७ बैशाख २०७९, बुधबार
प्रतिक्रिया