काठमाडौँ- योरेन्टिनालाई समग्रमा ३-० अन्तरले पराजित गर्दै युभेन्ट्स कोपा इटालियाको फाइनलमा प्रवेश गरेको छ ।बुधबार राति भएको सेमिफाइनलको दोस्रो लेगमा २-० तथा पहिलो लेगमा १-० अन्तरले जित निकाल्दै युभेन्ट्सले फाइनलमा इन्टर मिलानसंगको भेट पक्का गरेको हो ।
इन्टर मिलानले एसी मिलानलाई ३-० अन्तरले पराजित गर्दै अगिल्लो रात फाइनल प्रवेश गरेको थियो । फाइनल ११ मेमा हुनेछ ।
बुधबार राति घरेलु मैदान एलिएन्ज एरिनामा युभेन्ट्सलाई जिताउन फेडरिको बर्नरडेस्ची र डानिलोले गोल गरे । खेलको दुबै हाफमा समान एक गोल भएको थियो ।
प्रकाशित मिति: ८ बैशाख २०७९, बिहिबार
प्रतिक्रिया