काठमाडौं । इक्वेडरले विश्वकप फुटबलमा आयोजक कतारविरुद्ध २–० गोलको अग्रता बनाएको छ । अल बेत रंगशालामा इक्वेडरका लागि दुवै गोल कप्तान एनर भ्यालेन्सियाले गरे ।
खेलको तेस्रो मिनेटमा नै इक्वेडरले गोल गरेको थियो । एनर भ्यालेन्सियाले गोल गरेका थिए । तर भिडियो एसिस्टेन्ट रेफ्री (भार) ले त्यो गोललाई अफसाइड दिएपछि गोलको मान्यता पाएन । खेलको १५औँ मिनेटमा इक्वेडरले पेनाल्टी पायो ।
इक्वेडरका कप्तान भ्यालेन्सियालाई कतारका गोलकिपर साद अलसिबले डिबक्सभित्र लडाएपछि पेनाल्टी पाएको थियो । कप्तान भ्यालेन्सियाले गोल गर्दै इक्वेडरलाई १–० को अग्रता दिलाए । खेलको ३१औँ मिनेटमा भ्यालेन्सियाले गोल गर्दै कतारविरुद्ध इक्वेडरलाई २–० गोलको अग्रता दिलाएका हुन् ।
प्रकाशित मिति: ४ मंसिर २०७९, आइतबार
प्रतिक्रिया