काठमाडौं । सुनसरीको धरानमा धारिलो छुरा प्रहारबाट एक युवकको मृत्यु भएको छ।
धरान उपमहानगरपालिका–१९ मा स्थानीय युवाहरूबीच भएको सामान्य विवादका क्रममा छुरा प्रहार हुँदा धरान–१० का २८ वर्षीय जीवन भुजेल गम्भीर घाइते भएका थिए। उपचारका लागि धरानस्थित बीपी कोइराला स्वास्थ्य विज्ञान प्रतिष्ठान लगिएका उनलाई थप उपचारका लागि विराट नर्सिङ होम पुर्याइएको थियो, जहाँ उपचारकै क्रममा उनको मृत्यु भएको प्रहरीले जनाएको छ।
घटनामा संलग्न धरान–१९ का अर्जुन विश्वकर्मा फरार रहेकाले उनको खोजी तीव्र पारिएको छ भने घटनाबारे थप अनुसन्धान भइरहेको छ।
प्रकाशित मिति: २८ बैशाख २०८३, सोमबार
प्रतिक्रिया