काठमाडौं । राष्ट्रपति रामचन्द्र पौडेलले प्रतिनिधिसभाबाट पारित भई आएको ‘वैकल्पिक विकास वित्त परिचालन विधेयक, २०८३’ प्रमाणीकरण गरेका छन्।
राष्ट्रपति पौडेलले नेपालको संविधानको धारा ११३ को उपधारा (२) बमोजिम उक्त विधेयक प्रमाणीकरण गरेको राष्ट्रपति कार्यालयले जनाएको छ।
राष्ट्रपति कार्यालयका प्रवक्ता रितेशकुमार शाक्यद्वारा जारी विज्ञप्तिमा प्रतिनिधिसभाबाट पारित भएर राष्ट्रपतिसमक्ष पुगेको विधेयक प्रमाणीकरण गरिएको उल्लेख गरिएको छ।
राष्ट्रपतिको प्रमाणीकरणसँगै वैकल्पिक विकास वित्त परिचालनसम्बन्धी उक्त विधेयक अब कानुनका रूपमा कार्यान्वयनको प्रक्रियामा प्रवेश गरेको छ।
प्रकाशित मिति: ११ असार २०८३, बिहिबार
प्रतिक्रिया