प्रेम हो कि आकर्षण कसरी थाहा पाउने ? यी १० संकेतले बताउनेछन् भिन्नता

प्रेम र आकर्षण यस्ता दुई भावना हुन् जसमध्ये एकले जीवनलाई खुसीले भरिदिन्छ भने अर्को निराशा, उदासी र डिप्रेसनको कारण बन्न सक्छ।

यस्तोमा यदि हामीले प्रेम र आकर्षणबीचको अन्तरलाई समयमै राम्रो तरिकाले बुझ्न सक्यौँ भने सही निर्णय लिन हामीलाई सहज हुन्छ । हामी कुरा गरिरहेका छौँ, ती लक्षण बारे जसको मद्दतले तपाईंहरु बीच सच्चा प्रेम छ वा यो दुई दिनको आकर्षण हो भन्ने जानकारी दिन्छ । यसलाई बुझ्नका लागि यस्ता १० संकेत लिएर आएका छौँ ।

साँचो प्रेमका यी हुन् संकेत

वुमनहेल्थमा प्रकाशित लेखका अनुसार जब तपाईं प्रेममा हुनुहुन्छ, यो समयसँगै घट्दैन, बरु भावना बलियो र गहिरो हुँदै जान्छ ।

तपाईं कसैसँग प्रेममा पर्दा उसलाई आफ्नो पूरा ध्यान दिनुहुन्छ । यति मात्र होइन, तपाईलाई आँखा जुधाउन वा घन्टौँ कुरा गर्न समस्या हुँदैन ।

तपाईंहरु सँगै हुँदा उनलाई राम्रोसँग बुझ्न हरेक विषय बारे कुरा गर्नुहुन्छ । एकान्तमा पनि उनको परिवार, पृष्ठभूमि, उनको पालनपोषण आदि बारे सोच्न थाल्नुहुन्छ ।

प्रेममा पर्दा तपाईंले जीवनका थुप्रै गम्भीर योजना सँगै बनाउनुहुन्छ । यस्तो भावना तपाईंहरु बीच प्राकृतिक रूपमा आउँछ र तपाईं यस्ता केही लगानीमा पनि संलग्न हुनुहुन्छ जुन सायद जीवनसाथीले गर्ने गर्छन् ।

तपाईंहरु दुबै जना एक अर्कासँग निकै खुल्ला हुनुहुन्छ । उसको हरेक समस्या आफ्नै जस्तो लाग्छ । ती समस्यालाई हल गर्ने प्रयास पनि गर्नुहुन्छ ।

तपार्ईं सम्बन्धमा ब्याकअपको आवश्यकता महसुस गर्नु हुन्नँ, त्यसैले तपाईं क्रस जस्तै, एकै पटक धेरै व्यक्तिहरूसँग डेट गर्न चाहनुहुन्न । तपाईंको भावना क्रसप्रति भन्दा गहिरो हुन्छ ।
तपाईं उसलाई आफ्नो परिवारसँग परिचय गराउन चाहनुहुन्छ । यति मात्र होइन, तपाईं आफ्नो परिवार र साथीहरू बीच पनि उनीसँग सहज हुनुहुन्छ ।

तपाईंहरु बीच एक पावरफुल लभ केमेस्ट्री हुन्छ जसमा शारीरिक भन्दा भावनात्मक लहर हाबी हुन्छ । तपाईंका लागि भावना र केयर सबैभन्दा बढी महत्त्व राख्छ ।

तपाईंहरु दुबैलाई मायाको अर्थ के हो भन्ने थाहा हुन्छ । तपाईंहरु एक अर्कासँग सधैँ सँगै बस्न सक्नुहुन्छ । तपाईंहरु बीच एक गहिरो भावना हुन्छ ।

यदि कुनै कुरामा तपाईंको बिचमा मतभिन्नता छ भने, त्यो तपाईंको झगडा वा सम्बन्धमा टुट्ने कारण बन्दैन । एक अर्काको असहमतिलाई सजिलै स्वीकार गर्नुहुन्छ ।

आकर्षण मात्रै हो कि भनेर कसरी थाहा पाउने ?

क्रस एक अस्थायी र अविश्वसनीय भावना हो जुन कहिले आउँछ र कहिले गायब हुन्छ ।

– यसमा प्रायः शारीरिक आकर्षण र एड्भेन्चरको भावना हुन्छ । जबकी आपसमा विश्वास र समर्थनको भावना कम हुन्छ ।

आकर्षणको भावना कसैलाई देख्ने बित्तिकै महसुस हुन थाल्छ । यसमा अनिश्चयको भावना हुन्छ ।

प्रकाशित मिति: २३ श्रावण २०८०, मंगलबार