काठमाडौँ । साफ वुमन्स च्याम्पियनसिपको सेमिफाइनल खेलमा नेपालविरुद्ध भारतले अग्रता लिएको छ । खेलको ७१ औँ मिनेटमा भारतकी संगीता बास्फोरेले गोल गरेकी हुन् ।
भारतले गोल गरेलगत्तै नेपाली खेलाडीहरूले पनि भारतको पोस्टमा गोल गरेका थिए । तर उक्त गोललाई रेफ्रीले मान्यता नदिएपछि दशरथ रंगशाला तनावग्रस्त भएको छ ।
रेफ्रीले सुरुमा गोल भएको संकेत गरे पनि गोल दिएनन् । भारतीय खेलाडीहरू गोलको खुसी मनाउँदै गर्दा नेपालले बल चलाएर गोल गरेको थियो ।
प्रकाशित मिति: ११ कार्तिक २०८१, आइतबार
प्रतिक्रिया