काठमाडौं । सरकारले तीनकुनेमा आज राजावादीहरूले गरेको प्रदर्शनलाई अराजकतापूर्ण भन्दै यसका लागि पूर्वराजा ज्ञानेन्द्र शाह र व्यवसायी दुर्गा प्रसाईंलाई मुख्य जिम्मेवार ठहर गरेको छ।
गृहमन्त्री रमेश लेखकले पूर्वराजा शाहले प्रदर्शन गर्न निर्देशन दिएको र विवादास्पद मेडिकल व्यवसायी प्रसाईंले अराजकता फैलाउन भूमिका खेलेको आरोप लगाए। उनले भने, “शान्तिपूर्ण प्रदर्शन भनेको यस्तो हुन्छ? सार्वजनिक सम्पत्तिमा आक्रमण, तोडफोड र आगजनी गर्न पाइँदैन। जसले यो प्रदर्शनको योजना बनायो र निर्देशन दियो, उनीहरू नै प्रमुख दोषी हुन्। कानूनअनुसार कडा कारबाही गरिनेछ।”
सरकारले प्रदर्शनको क्रममा भएको क्षति र हिंसात्मक गतिविधिका दोषीहरूलाई कानुनी कारबाहीको दायरामा ल्याइने स्पष्ट पारेको छ।
प्रकाशित मिति: १४ चैत्र २०८१, शुक्रबार
प्रतिक्रिया