काठमाडौँ । प्रधानमन्त्री केपी शर्मा ओलीले चैत १५ गते राजधानीमा सम्पन्न समाजवादी मोर्चाको प्रदर्शनलाई भव्य र सभ्य भएको भन्दै आयोजकहरूलाई धन्यवाद दिएका छन्।
सोमबार प्रतिनिधि सभाको बैठकलाई सम्बोधन गर्दै प्रधानमन्त्री ओलीले भने, “शान्तिपूर्ण र मर्यादित रूपमा सम्पन्न उक्त जुलुसका लागि आयोजकहरूलाई म धन्यवाद ज्ञापन गर्न चाहन्छु। संघीय लोकतान्त्रिक गणतन्त्रलाई थप सुदृढ गर्न यस्ता विधि नै आवश्यक छन् भन्ने मेरो धारणा हो।”
प्रधानमन्त्री ओलीले उक्त प्रदर्शनलाई प्रभावकारी र व्यवस्थित रहेको बताउँदै पुनः धन्यवाद व्यक्त गरे। उनले थपे, “यस सम्मानित सदनमा प्रतिनिधित्व गर्ने प्रमुख राजनीतिक दलहरूको नेतृत्वमा समाजवादी मोर्चाले काठमाडौंमा भव्य सभा आयोजना गर्यो। आफ्नो धारणा स्पष्ट रूपमा सार्वजनिक गर्यो, सरकारलाई सन्देश दियो र संविधान तथा लोकतान्त्रिक व्यवस्थाप्रति आफ्नो प्रतिवद्धता दोहोर्यायो।”
प्रधानमन्त्री ओलीको भनाइले सरकार जनताको आवाजप्रति गम्भीर रहेको संकेत गरेको र स्वस्थ लोकतान्त्रिक अभ्यासको सम्मान गर्ने प्रतिवद्धता प्रकट गरेको स्पष्ट देखिन्छ।
प्रकाशित मिति: १७ चैत्र २०८१, सोमबार
प्रतिक्रिया