काठमाडौं । नेपाल बार एशोसिएशनको आगामी २०८१ चैत २३ गते हुने निर्वाचनका लागि अध्यक्ष पदमा दुई वरिष्ठ अधिवक्ताबीच प्रतिस्पर्धा हुँदैछ। व्यवसायिक कानुन व्यवसायी समूहको तर्फबाट वरिष्ठ अधिवक्ता रमण श्रेष्ठ मैदानमा उत्रिएका छन् भने लोकतान्त्रिक प्रगतिशील पेशागत राष्ट्रवादी समूहको तर्फबाट वरिष्ठ अधिवक्ता विजय प्रसाद मिश्र उम्मेदवार बनेका छन्।
वरिष्ठ अधिवक्ता श्रेष्ठले कानुन व्यवसायीहरूमाझ आफ्नो प्यानललाई भारी मतले विजयी गराउन आग्रह गर्दै पेशागत उन्नयन, स्वतन्त्र न्यायपालिकाको सुदृढीकरण र कानुन व्यवसायीको हकहित संरक्षणका लागि आफू प्रतिवद्ध रहेको जनाएका छन्।
श्रेष्ठको उम्मेदवारीलाई नेपालका प्रतिष्ठित कानुन व्यवसायीहरूको समर्थन प्राप्त भएको देखिन्छ। वरिष्ठ अधिवक्ता सम्भु थापा, सुशील पन्त, कृष्ण प्रसाद भण्डारीजस्ता अनुभवी वरिष्ठ अधिवक्ताहरु उनको पक्षमा उभिएका छन्।
यस निर्वाचनले नेपाल बार एशोसिएशनको नेतृत्व कसको हातमा जानेछ भन्ने टुंगो लगाउनेछ, जसले आगामी वर्षहरूमा कानुन व्यवसायी र न्याय प्रणालीको विकासमा महत्वपूर्ण भूमिका खेल्ने देखिन्छ।
प्रकाशित मिति: १७ चैत्र २०८१, सोमबार
प्रतिक्रिया