काठमाडौं । काठमाडौंको तीनकुनेमा भएको आन्दोलनका कमान्डर दुर्गा प्रसाईं सम्पर्कबिहीन भएका छन्। तिनकुने घटनापछि सामाजिक सञ्जालमा लेख्दै आफूलाई जहाँ बोलाए पनि हाजिर हुन तयार रहेको भन्दै टिप्पणी लेखेका थिए।
शुक्रबार साँझ साढे ११ बजेसम्म पनि उनलाई प्रहरीले फेला पार्न सकेको छैन। उनीसँगै हिंसात्मक आन्दोलनमा होमिएका रवीन्द्र मिश्र, धवल शमशेर राणा, स्वागत नेपालसहित पाँच जना नेताहरूलाई प्रहरीले पक्राउ गरिसकेको छ।
राजसंस्था पुनः स्थापनका लागि संयुक्त जनआन्दोलन निर्देशन समितिका संयोजक नवराज सुवेदीलाई पनि प्रहरीले घरभित्रै निगरानीमा राखेको छ।
प्रकाशित मिति: १४ चैत्र २०८१, शुक्रबार
प्रतिक्रिया