काठमाडौं – राष्ट्रिय प्रजातन्त्र पार्टी (राप्रपा) का वरिष्ठ नेता डा. प्रकाशचन्द्र लोहनीले राजसंस्थावादी आन्दोलनमाथि सरकारको षड्यन्त्र भएको आरोप लगाएका छन्।
एक टेलिभिजन अन्तरवार्तामा बोल्दै उनले तीनकुनेमा भएको घटनाबारे खुलासा गरेका छन्। डा. लोहनीका अनुसार, उनीहरू शान्तिपूर्ण सभा गर्दै सांस्कृतिक कार्यक्रमको तयारीमै थिए, तर त्यसैबीच सुरक्षाकर्मीले टियर ग्याँस प्रहार गरे।
“म सभामा सम्बोधन गर्न मञ्चमा उक्लिरहेको थिएँ, अचानक टियर ग्याँस खस्यो, त्यो पनि सिधै मेरो खुट्टामै। म जीवनमा पहिलो पटक टियर ग्याँसको अनुभव गरिरहेको थिएँ,” लोहनीले भने।
उनले घटनाको सम्पूर्ण जिम्मेवारी प्रधानमन्त्री केपी शर्मा ओलीले लिनुपर्ने बताए। “सरकारको नेतृत्व गर्ने व्यक्ति भएकाले यसको जिम्मेवारी खड्गप्रसाद ओलीजीले लिनुपर्छ,” लोहनीको भनाइ छ।
प्रकाशित मिति: १५ चैत्र २०८१, शनिबार
प्रतिक्रिया