काठमाडौं । चैत १५ गते राजावादी अराजक समूहद्वारा भाटभटेनी कोटेश्वर स्टोरमा गरिएको तोडफोड तथा लुटपाटका कारण करिब ८० लाख ३३ हजार रुपैयाँ बराबरको क्षति भएको बताइएको छ।
भाटभटेनी सुपरमार्केटको आन्तरिक मूल्यांकनका अनुसार सबैभन्दा ठूलो क्षति मौज्दात सामानमा भएको छ। कुल ६४ लाख ८८ हजार रुपैयाँ बराबरको सामान लुटिएको वा नष्ट पारिएको बताइएको छ।
सुपरमार्केटको भवनमा ११ लाख ८५ हजार रुपैयाँको क्षति पुगेको भाटभटेनीका सीईओ पानु पौडेलले जानकारी दिएका छन्। साथै, फ्रिजर तथा शोकेसमा २ लाख ६५ हजार रुपैयाँ बराबरको क्षति पुगेको र ९४ हजार रुपैयाँ नगद समेत चोरी भएको छ।
घटनामा संलग्न केही व्यक्ति पक्राउ परेका छन्। उनीहरूलाई अदालतबाट म्याद थप गरी प्रहरीले थप अनुसन्धान अघि बढाइरहेको छ।
प्रकाशित मिति: १७ चैत्र २०८१, सोमबार
प्रतिक्रिया