‘प्रमोद सनराईजको ५ राजनीतिक मुक्तक’
- आर्मी प्रहरीले लगाउने पोशाक बर्दी हो।
सामान्य रुघाखोकी लाग्नु त सर्दी हो।।
ज-जसले सक्छ यहाँ देश उसैले लुट्छ;
राजनीति भन्ने चिज पनि गुण्डागर्दी हो।।
- चुपचाप नबसे दुईचार झापु कुट्नि हो।
सोझा जनतालाई जसरी नि भुट्नि हो।।
काङ्ग्रेस न कम्युनिष्ट केही फरक छैन,
यहाँ सबैको उदेश्य देशलाई लुट्नि हो।।
- सबै ठुलाबडा, वरिष्ठ र मैमत्ता, कसरी चल्छ हजुर।
काम माखो छैन करोडौं भत्ता, कसरी चल्छ हजुर।।
एउटा सिटामोल नपाएर अकालमै मर्छन् जनताहरु,
उनीहरूलाई सधैं कुर्सी र सत्ता, कसरी चल्छ हजुर।।
- कयौंको आँखाबाट आँसु झारिस्, तलाई अझै पुगेन।
करोडौं सम्पत्ति अधिनमा पारिस्, तलाई अझै पुगेन।।
राजनीति गर्ने बाहानामा हत्या-हिंसाको खोल ओढेर,
हजारौं आमाको छोराछोरी मारिस्, तलाई अझै पुगेन।।
- सबैले जय-जयकार गरुन् र तामझाम लागोस।
हाम्रो धरातल बुझ्न् दिव्यउपदेश काम लागोस।।
जसले जे भने नि राष्ट्रनिर्मातालाई सम्मान गर्छौं;
बिदेशी डलर घिच्नेहरुको घैँटामा घाम लागोस।।
प्रकाशित मिति: २७ श्रावण २०७९, शुक्रबार
प्रतिक्रिया