सामाजिक सञ्जाल बन्दको विरोधमा पत्रकारहरूको प्रदर्शन
काठमाडौं । दर्ता नभएका सामाजिक सञ्जाल बन्द गर्ने सरकारी निर्णयविरुद्ध पत्रकारहरूले आइतबार माइतीघर मण्डलमा प्रदर्शन गरेका छन्। नेपाल पत्रकार महासंघका पूर्वअध्यक्ष, पदाधिकारी र केन्द्रीय सदस्यसहितको समूहले सरकारले अभिव्यक्ति स्वतन्त्रतामाथि आघात पुर्याएको भन्दै विरोध जनाएको हो। उनीहरूले विभिन्न नारा लेखिएका प्लाकार्ड बोकेर विरोध प्रकट गरेका थिए।
