महाधिवेशनमा स्वच्छ प्रतिस्पर्धा भएन, पार्टी संरचनाको दुरुपयोग भयो : भट्टराई
काठमाडौं । नेकपा (एमाले) का उपमहासचिव योगेश भट्टराईले पार्टीको ११औँ महाधिवेशनमा स्वच्छ प्रतिस्पर्धाको वातावरण नबनेको भन्दै नेतृत्वप्रति असन्तुष्टि व्यक्त गरेका छन्। ईश्वर पोखरेल समूहद्वारा आयोजित समीक्षा भेलापछि सञ्चारकर्मीहरूसँग कुरा गर्दै उनले प्रतिनिधि छनोटदेखि बन्दसत्र र निर्वाचनसम्मका सम्पूर्ण प्रक्रियामा पार्टी संरचनाको चरम दुरुपयोग भएको आरोप लगाए।
