काठमाडौँ — इन्डियन प्रिमियर लिग (आईपीएल) २०२२ मा लयमा फर्केको सनराइजर्स हैदराबादले शुक्रबार कोलकाता नाइटराइडर्सलाई सजिलै सात विकेटले पराजित गरेको छ । खराब सुरुवात गरेको सनराइजर्स यो लगातार तेस्रो जित हो ।
जितका लागि १ सय ७६ रन पछ्याइरहेको सनराइजर्सले १७.५ ओभरमा तीन विकेट गुमाएर आवश्यक रन बनाएको थियो । उसका लागि राहुल त्रिपाठीले ७१ र एडेन मारक्रमले ६८ रन बनाए ।उनीहरूले तेस्रो विकेटका लागि ९४ रनको साझेदारी गरे ।
यसअगाडि पहिले ब्याटिङ गरेको कोलकाताले २० ओभरमा आठ विकेट गुमाएर १ सय ७५ रन बनाएको थियो । उसका लागि नितिश राणाले ५४ र प्याट कमिन्सले ४९ रन बनाए
प्रकाशित मिति: ३ बैशाख २०७९, शनिबार
प्रतिक्रिया