विप्लव नेतृत्वको पार्टीमा विद्रोह, पाँच केन्द्रीय सदस्यसहित ३३ नेताले छाडे पार्टी
रुपन्देही । नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी (माओवादी) मा रुपन्देहीबाट प्रतिनिधित्व गर्ने पाँच केन्द्रीय सदस्यसहित ३३ जना नेता–कार्यकर्ताले पार्टीका सम्पूर्ण जिम्मेवारी परित्याग गरेको घोषणा गरेका छन्। शुक्रबार संयुक्त विज्ञप्ति जारी गर्दै उनीहरूले पार्टी र पार्टीबाट प्राप्त सबै जिम्मेवारीबाट अलग भएको जानकारी दिएका हुन्।
