पेट्रोलियम पदार्थको मूल्यवृद्धि फिर्ता गर्न माग गर्दै आयल निगम अगाडि प्रदर्शन
काठमाडौं । पेट्रोलियम पदार्थको मूल्यवृद्धि फिर्ता गर्न माग गर्दै राष्ट्रिय जेनजी नागरिक अभियानले सोमबार काठमाडौंमा प्रदर्शन गरेको छ। बबरमहलस्थित नेपाल आयल निगम कार्यालय अगाडि धर्ना दिन पुगेका उनीहरूलाई प्रहरीले रोकेपछि उनीहरूले निगम नजिकै सडकमा प्रदर्शन गरेका हुन्। अभियानले निगममै पुगेर ज्ञापनपत्र बुझाउने प्रयास गरेको थियो।
