बैतडी । सुदूरपश्चिम भ्रमणमा रहेका पूर्वाधार विकास मन्त्री सुनिल लम्साल बिरामी परेका छन् । दार्चुला हुँदै बैतडीको गोठालापानी पुगेका लम्साललाई भाइरल ज्वरो र रुघाखोकीको संक्रमण देखिएको हो ।
स्वास्थ्यमा समस्या देखिएपछि लम्साल गोठालापानीमै आराम गरिरहेका छन् । उनको स्वास्थ्य परीक्षण जिल्ला अस्पतालका एमडीजीपी डा. पविन उपाध्यायले गरेका थिए ।
स्वास्थ्य परीक्षणपछि डा. उपाध्यायले लम्साललाई भाइरल ज्वरोसँगै रुघाखोकीको सामान्य संक्रमण देखिएको जानकारी दिए ।
मन्त्री लम्साललाई थप उपचार तथा स्वास्थ्य परीक्षणका लागि काठमाडौं ल्याउने तयारी गरिएको छ । नेपाली सेनाका प्रवक्ता तथा सहायक रथी राजाराम बस्नेतका अनुसार उनलाई लिन सुर्खेतबाट नेपाली सेनाको हेलिकप्टर बैतडीतर्फ उडेको छ ।
लम्साल शनिबार दार्चुला पुगेपछि बैतडीको गोठालापानी आएका थिए । भ्रमणकै क्रममा उनको स्वास्थ्यमा समस्या देखिएको हो ।
प्रकाशित मिति: ३१ श्रावण २०८३, आइतबार
प्रतिक्रिया