अमेरिकी भिसाका लागि नक्कली एसएलसी प्रमाणपत्र पेस गरेको आरोपमा महिला पक्राउ
काठमाडौँ । अमेरिकी भिसा आवेदनका क्रममा नक्कली एसएलसी प्रमाणपत्र पेस गरेको आरोपमा एक महिला पक्राउ परेकी छन्। काठमाडौँ उपत्यका अपराध अनुसन्धान कार्यालयका अनुसार पक्राउ पर्नेमा रामेछापको दोरम्बा शैलुङ गाउँपालिका–३ की ४१ वर्षीया उषा देवी कँडेल रहेकी छन्। उनी हाल काठमाडौँ महानगरपालिका–३२ जडीबुटीमा बस्दै आएकी थिइन्।
