जलविद्युत् आयोजनाको सुरुङ पुरिँदा ८ जनाको मृत्यु, १९ जना सुरुङभित्रै थुनिए
नामची । भारतको सिक्किमस्थित नामची जिल्लाको समरडुङमा पहिरोले निर्माणाधीन जलविद्युत् आयोजनाको सुरुङ पुरिँदा कम्तीमा आठ जनाको मृत्यु भएको छ। घटनामा अन्य १९ जना मजदुर सुरुङभित्रै थुनिएको आशंका गरिएको छ। जिल्ला प्रहरी प्रमुख सोनाम डोमा भोटियाका अनुसार उद्धार टोलीले हालसम्म सुरुङबाट आठ जनाको शव निकालिसकेको छ।
