रुपन्देहीमा प्रहरीको स्वीप अपरेसन: सार्वजनिक शान्तिमा खलल पुर्याउने ११ जना पक्राउ
काठमाडौं । रूपन्देहीमा सार्वजनिक शान्ति सुव्यवस्था भंग गरेको आरोपमा प्रहरीले ११ जनालाई पक्राउ गरेको छ। जिल्ला प्रहरी कार्यालय रूपन्देही तथा मातहतका कार्यालयबाट खटिएको टोलीले विभिन्न स्थानमा ‘स्वीप अपरेसन’ सञ्चालन गर्दै उनीहरूलाई नियन्त्रणमा लिएको हो। प्रहरीले पक्राउ परेकाहरूको साथबाट मोडिफाई गरिएका मोटरसाइकलसमेत बरामद गरेको जनाएको छ।
